Welkom by Laerskool Gamtoosvallei

Welkom by Laerskool Gamtoosvallei se amptelike webwerf.

​

Dit is vir my ’n groot voorreg om u hartlik welkom te heet by ons skoolgemeenskap. By Laerskool Gamtoosvallei streef ons daarna om ’n veilige, stimulerende en waardegedrewe leeromgewing te skep waar elke leerder die geleentheid kry om sy of haar volle potensiaal te bereik.

​

Ons skool is trots op sy sterk akademiese grondslag, toegewyde personeel en die holistiese ontwikkeling van ons leerders. Benewens akademiese uitnemendheid, lê ons groot klem op karaktervorming, dissipline, respek en verantwoordelikheid. Ons glo dat onderwys nie net kennis oordra nie, maar ook lewens vorm.

​

Samewerking tussen ouers, personeel en leerders is vir ons van kardinale belang. Deur oop kommunikasie en ’n gesamentlike verbintenis tot ons skool se waardes, bou ons saam aan ’n kultuur van vertroue, trots en sukses.

​

Ek nooi u uit om ons webwerf te verken en meer te wete te kom oor ons visie, programme en aktiwiteite. Indien u enige navrae het, is u welkom om die skool te kontak — ons help graag.

​

Dankie dat u deel is van Laerskool Gamtoosvallei se reis. Ons sien daarna uit om saam met u en u kind ’n toekoms van groei en prestasie te bou.

​

Ons leuse: Ons Klim Steeds.

​

Vriendelike groete

Meneer Zirk Kemp

SKOOLHOOF